PERMATA GBKP Bersiap Jadi Mamre! (HUT Mamre GBKP 20 Tahun)(PA online 23-29 Agustus 2015)


Kejadin 18: 1-10

Ersikap jadi Mamre (HUT Mamre GBKP XX)

Mamre 2

Gelah PERMATA GBKP:

  1. Meteh maka mamre ideal eme ingan perjumpan antara Dibata ras manusia (pribadi ntah pe organisasi)
  2. Mpersiapken dirina lako jadi Mamre ideal

Metode : Sharing Mamre ideal

  1. Perlebe

Mamre e me ingan ija terjadi perjumpan Tuhan ras Abraham. Perjumpan antara Ilahi (Surgawi) ras insani (Duniawi). Ija Abraham ngalo-ngalo ras menjamu Tuhan alu ukur situtus. Ibas perjumpan enda Tuhan nehken janjiNa e me jadi bangsa simbelin arah ketubuhen Ishak.   Ibas Mamre GBKP jadi min peristiwa perjumpan antara Dibata (Ilahi) ras manusia (insani). Sebab ibas terjadina perjumpaan enda erbuahken janji Dibata  guna njadiken bangsaNa jadi bangsa simbelin. Enda me Mamre ideal.

2.  Isi

Ibas terjadina perjumpan antara Dibata ras manusia (Abraham ras Dibata), piga-piga hal siterjadi e me:

  1. Terjadi peningkaten kualitas hidup Abraham. Kualitas enda teridah arah sikap ras cara Abraham ngalo-ngalo temuena (tamu) sicukup erkualitas:

–          Idahna mentas arah lebe rumahna mis ia jurgak (mengangkat mukanya) ras kiam ngalo-ngalosa (ay.2a,b) nandaken maka kalak si mentas penting bana, padahal langa bo tandaina.

–         ‘Erjimpuh ia ayona seh ku taneh (ay.2c). Enda ncidahken hubungen budak ras tuan. Abraham nggit njadiken dirina bagi budak (kitik) guna pebelin (mpertuan) temue si la itandaina.

–       ‘Berelah maka aku ngidangi kam’ (ay.3b). Mindo ijin ia gelah ibere ngidangi temuena. Berarti ngidangi/ngelai kalak e dahin simbelin emaka harus mindo alu meteruk.

–        ‘Ngelegi lau guna pemurihi nahe’ (ay.4), enda tradisi meteruk ukur kalak Israel, si ngidah tamu e tuan, jadi wajar simelketna pe ibas diri tuan  ibersihken hambana (tuan rumah).

–       ‘Nikapken pangan guna nambagi gegehndu’ (6-7), e ngataken maka pelayanen Abraham murni guna kepentingen ngelanjutken perdalanen (visi misi, masa depan) temuena, labo guna kepentingenna gelah akap kalak mejile, mbue teman/kade-kade, rsd.

–          Isikapkenna pangan simuhulina aminna gia 3 kalak ngenca temuena (1 guni roti ras 1 ekor lembu). Pelayanenna labo setengah ukur tapi bulat ukur (la menggo).

–     Ia sendiri nge ngelai temuena (ay. 8), la isuruhna suruh-suruhenna si enterem. Enda nuduhken bage ergana ras hamatna temuena e sehma maka ia sendiri ngidangisa bali ras pembantu. Padahal Abraham e situhuna tuan nge ibas jabuna. Inti perbahanen Abraham enda e me :  Abraham ngidah ras nggejapken maka  melayani kalak sideban alu mehuli aminna pe ngkeriken materi, erga diri (status), rsd  merupaken kehamaten man bana. Luar biasa kualitas hidupna enda, enggo pas bagi motto Mamre GBKP :”Mamre Erdiate, Mamre Erpemere”. Tentu enda kerina banci jadi erkiteken perjumpan Ilahi ras insani ndai nge.

  1. Arah perjumpaan Ilahi ras insani endaerbuahken janji Dibata  guna njadiken bangsaNa jadi bangsa simbelin (erbuahken pasu-pasu) e me arah ketubuhen anakna Ishak.

3.  Pengkenaina

Megati kel lit anggapen, sekalak jadi Mamre GBKP erkiteken perubahan status arah anak perana (PERMATA GBKP) jadi perbapan.  Emaka labo terjadi perubahen karakter sabab banci saja ndube pe ia labo aktif ibas PERMATA GBKP. Perlu sieteh maka jadi Mamre labo erkiteken perubahen status anak perana jadi perbapan, tapi erkiteken pemere (anugrah) ingan perjumpaan Dibata ras manusia, ija Dibata bertindak arah kita. Adi labo terjadi perjumpaan Dibata ras manusia ibas dirinta situhuna labo ia Mamre. Sebab ibas perjumpan eme maka jadi kualitas ibas dirinta bagi ibas Abraham ndai. Adi labo jumpa Dibata ras insani ibas kita,  labo mungkin lit kualitasta. Adi la lit kualitasta emaka pelayanenta pe labo lit sebab rugi nge siakap. Padahal Abraham ngelai kalak alu mehuli e ikirana kehamaten bana. Tapi adi jelma la erkualitas, pelayanen e pasti ikirana kerugian, emaka janji Dibata ndai (pasu-pasu) la jadi bas ia.  Bagenda me Mamre GBKP si ideal, emaka PERMATA GBKP perlu nikapken diri sue ras tema-nta.

logo PERMATA GBKP baru

PERMATA GBKP mengucapkan

SELAMAT ULANGTAHUN Mamre 20 Tahun

MAMRE GBKP yang Menjadi Berkat bagi Keluarga, Gereja dan Masyarakat !

Advertisements

Halo PERMATA silahkan berikan Komentar kalian

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s